1ܐܝܼܢܵܐ ܐܲܝܟܼ ܒܗ̇ܘ ܙܲܒ̣ܢܵܐ ܗܹܪܘܿܕܸܣ ܡܲܠܟܵܐ ܕܪܹܐܠܹܗ ܐܝܼܕܵܬܹ̈ܐ ܥܲܠ ܐَܢܵܫܹ̈ܐ ܕܒܥܹܕܬܵܐ ܠܸܥܒ̣ܵܕܵܐ ܒܝܼܫܬܵܐ ܐܸܠܵܝܗܝ؛ ܗ̇ܘ ܟܹܐ ܦܵܐܹܫ ܗَܘܵܐ ܩܸܪܝܵܐ ܐܲܓܼܪܹܦܘܿܣ. 2ܘܩܛܸܠܹܗ ܒܣܲܝܦܵܐ ܠܝܲܥܩܘܿܒ̣ ܐܲܚܘܿܢܹܗ ܕܝܘܿܚܲܢܵܢ. 3ܘܟܲܕ ܚܙܹܐ ܠܹܗ ܕܫܦܸܪܵܐ ܐܵܗܵܐ ܠܝܗَܘܼܕܵܝܹ̈ܐ؛ ܡܘܼܙܝܸܕܠܹܗ ܠܸܕܒ̣ܵܩܵܐ ܐܘܼܦ ܠܫܸܡܥܘܿܢ ܟܹܐܦܵܐ؛ ܘܝܵܘܡܵܢܹ̈ܐ ܕܦܲܛܝܼܪܹ̈ܐ ܗَܘܵܘ. 4ܘܕܒܸܩܠܹܗ ܘܕܪܹܐܠܹܗ ܓܵܘ ܒܹܝܬ ܐܲܣܝܼܪܹ̈ܐ؛ ܘܣܘܼܦܹܐܠܹܗ ܠܐܸܫܬܲܥܣܲܪ ܕܲܚܫܹ̈ܐ ܕܢܵܛܪܝܼ ܠܹܗ؛ ܕܡ̣ܢ ܒܵܬَܪ ܦܸܨܚܵܐ ܣܵܦܹܐ ܠܹܗ ܠܛܵܝܸܦܵܐ ܕܝܗَܘܼܕܵܝܹ̈ܐ. 5ܘܟܲܕ ܗ̇ܘ ܫܸܡܥܘܿܢ ܦܝܵܫܵܐ ܗَܘܵܐ ܚܘܼܡܝܵܐ ܓܵܘ ܒܹܝܬ ܐܲܣܝܼܪܹ̈ܐ؛ ܨܠܘܿܬܵܐ ܒܚܲܡܝܼܡܘܼܬܼܵܐ ܦܝܵܫܵܐ ܗَܘܵܐ ܡܘܼܩܪܸܒ̣ܬܵܐ ܡ̣ܢ ܥܹܕܬܵܐ ܡ̣ܢ ܓܹܒܹܗ ܠܐܲܠܵܗܵܐ. 6ܘܗܲܪ ܒܗ̇ܘ ܠܲܝܠܹܐ ܕܗܕܝܼܪܵܐ ܗَܘܵܐ ܗܹܪܘܿܕܸܣ ܕܣܵܦܹܐ ܠܹܗ؛ ܕܡܝܼܟ̣ܵܐ ܗَܘܵܐ ܫܸܡܥܘܿܢ ܒܹܝܠ ܬܪܹܝ ܕܲܚܫܹ̈ܐ؛ ܘܐَܣܝܼܪܵܐ ܗَܘܵܐ ܒܬܲܪ̈ܬܹܝܢَ ܫܹܫܸܠܝܵܬܹ̈ܐ؛ ܘܐَܚܹܪَ̈ܢܹܐ ܒܸܢܛܵܪܵܐ ܗَܘܵܘ ܬܲܪ̈ܥܵܢܹܐ ܒܹܝܬ ܐܲܣܝܼܪܹ̈ܐ. 7ܡܲܠܲܐܟ̣ܵܐ ܕܡܵܪܝܵܐ ܟܠܹܐܠܹܗ ܠܥܸܠܸܠ ܡܸܢܹܗ؛ ܘܒܲܗܪܵܐ ܠܘܼܓ̰ܠܸܓ̰ܠܹܗ ܓܵܘ ܒܹܝܬ ܐܲܣܝܼܪܹ̈ܐ؛ ܘܕܩܸܪܹܐ ܒܕܸܦܢܹܗ ܕܟܹܐܦܵܐ ܘܡܘܼܩܸܡܠܹܗ؛ ܘܐَܡܸܪܹܗ ܐܸܠܹܗ؛ ܩܘܼܡَ ܓ̰ܲܠܕܹܐ؛ ܘܢܦܸܠܘܿܢ ܫܹܫܸܠܝܵܬܹ̈ܐ ܡ̣ܢ ܐܝܼܕܘܼ̈ܗܝ. 8ܘܐَܡܸܪܹܗ ܐܸܠܹܗ ܡܲܠܲܐܟ̣ܵܐ؛ ܐَܣܘܿܪ ܚܵܨܘܼܟ؛ ܘܠܒ̣ܘܿܫ ܟ̰ܵܪ̈ܘܿܚܘܼܟ ܘܥܒܼܸܕܠܹܗ ܗܲܕܟ̣ܵܐ. ܡܸܢَܕܪܸܫَ ܐَܡܸܪܹܗ ܐܸܠܹܗ؛ ܕܪܝܼ ܥܲܠܘܼܟܼ ܥܵܒܵܝܘܼܟ؛ ܘܬܵܐ ܒܵܬَܪܝܼ. 9ܘܦܠܸܛܠܹܗ ܘܐَܙܹܠܹܗ ܒܵܬَܪܹܗ؛ ܟܲܕ ܠܹܐ ܗَܘܵܐ ܒܝܼܕܲܥܝܵܐ ܕܫܲܪܝܼܪܬܵܐ ܗَܘܵܐ ܗ̇ܝ ܕܒܸܗܘܵܝܵܐ ܗَܘܵܐ ܒܝܲܕ ܡܲܠܲܐܟ̣ܵܐ؛ ܣܵܒܵܒ ܒܸܚܫܵܒ̣ܵܐ ܗَܘܵܐ ܕܚܸܙܘܵܐ ܒܸܚܙܵܝܵܐ ܗَܘܵܐ. 10ܘܟܲܕ ܥܒܸܪܗَܘܿܢ ܒܲܕܠܵܐ ܩܵܕَܡܵܝܬܵܐ ܘܕܬܲܪ̈ܬܹܝܢَ؛ ܐَܬܹܐܠܗَܘܿܢ ܗܲܠ ܬܲܪܥܵܐ ܕܦܪܸܙܠܵܐ ܕܠܵܒܸܠ ܠܡܕܝܼܢَܬܵܐ؛ ܘܦܬܸܚܠܹܗ ܐܸܠܵܝܗܝ ܡ̣ܢ ܓܵܢܹܗ؛ ܘܟܲܕ ܦܠܸܛܠܗَܘܿܢ ܥܒܸܪܗَܘܿܢ ܚܲܕَ ܥܵܠܘܿܠܵܐ؛ ܦܪܸܩܠܹܗ ܡ̣ܢ ܠܟܸܣܠܹܗ ܡܲܠܲܐܟ̣ܵܐ. 11ܗܵܝܓܵܗ ܝَܕܸܥܠܹܗ ܫܸܡܥܘܿܢ ܐَܡܸܪܹܗ؛ ܐܵܕܝܼܵܐ ܝܕܸܥܠܝܼ ܒܫܲܪܝܼܪܘܼܬܵܐ؛ ܕܡܵܪܝܵܐ ܫܘܼܕܸܪܹܗ ܡܲܠܲܐܟܹܗ ܘܦܘܼܠܸܛܠܹܗ ܐܸܠܝܼ ܡ̣ܢ ܐܝܼܕܹܗ ܕܗܹܪܘܿܕܸܣ ܡܲܠܟܵܐ؛ ܘܡ̣ܢ ܡܸܢܕܝܼ ܕܒܸܚܫܵܒ̣ܵܐ ܗَܘܵܘ ܥܲܠܝܼ ܛܵܝܸܦܵܐ ܕܝܗَܘܼܕܵܝܹ̈ܐ. 12ܘܟܲܕ ܦܘܼܪܡܹܐܠܹܗ؛ ܐَܬܹܐܠܹܗ ܠܒܲܝܬܵܐ ܕܡܲܪܝܲܡ ܝܸܡܹܗ ܕܝܘܿܚܲܢܵܢ؛ ܗ̇ܘ ܕܦܸܫܠܹܗ ܩܸܪܝܵܐ ܡܲܪܩܘܿܣ؛ ܣܵܒܵܒ ܕܪܵܒܵܐ ܐܲܚܘܿܢܘܵܬܹ̈ܐ ܓ̰ܸܡܥܝܹܐ ܗَܘܵܘ ܘܨܵܠܘܿܝܹܐ ܬܵܡܵܐ. 13ܘܬܘܼܩܬܸܩܠܹܗ ܒܬܲܪܥܵܐ ܕܕܵܪܬܵܐ؛ ܦܠܸܛܠܵܗ̇ ܕܓ̰ܲܘܸܒܵܐ ܠܹܗ ܚܕܵܐ ܒܪܵܬܵܐ ܕܫܸܡܘܼܗ̇ ܪܘܿܕܵܐ. 14ܘܝܕܸܥܠܵܗ̇ ܩܵܠܹܗ ܕܫܸܡܥܘܿܢ؛ ܘܡ̣ܢ ܚܲܕܘܼܬܘܼܗ̇ ܠܵܐ ܦܬܸܚܠܵܗ̇ ܐܸܠܹܗ ܬܲܪܥܵܐ؛ ܐܸܠܵܐ ܕܸܪܵܗ̇ ܒܸܪܚܵܛܵܐ ܘܐَܡܸܪܵܗ̇ ܐܸܠܵܝܗܝ؛ ܗܵܐ ܫܸܡܥܘܿܢ ܟܸܠܝܵܐ ܝَܠܹܗ ܩܵܕَܡ ܬܲܪܥܵܐ ܕܕܵܪܬܵܐ. 15ܐܵܡܪܝܼ ܠܵܗ̇؛ ܫܘܼܕܸܢܵܟ̣ܝ. ܘܗ̇ܝ ܩܘܼܝܵܐ ܐَܡܸܪܵܗ̇؛ ܕܫܸܡܥܘܿܢ ܝَܠܹܗ. ܐܵܡܪܝܼ ܠܵܗ̇؛ ܩܘܼܡܵܐ ܡܲܠܲܐܟܹܗ ܝܠܹܗ. 16ܘܫܸܡܥܘܿܢ ܬܲܩܬܸܩ ܗَܘܵܐ ܒܬܲܪܥܵܐ. ܘܦܠܸܛܠܗَܘܿܢ ܚܙܹܐܠܗَܘܿܢ ܐܸܠܹܗ؛ ܘܥܘܼܓ̰ܸܒܠܗَܘܿܢ. 17ܘܡܘܼܫܥܸܫܠܹܗ ܐܸܠܵܝܗܝ ܐܝܼܕܹܗ ܕܫܵܬܩܝܼ؛ ܥܒܸܪܹܗ ܘܗܘܼܩܹܠܹܗ ܐܸܠܵܝܗܝ ܕܵܐܟ̣ܝܼ ܡܵܪܝܵܐ ܦܘܼܠܸܛܠܹܗ ܡ̣ܢ ܒܹܝܬ ܐܲܣܝܼܪܹ̈ܐ. ܘܐَܡܸܪܹܗ؛ ܗܵܩܹܡܘܿܢ ܐܲܢܹܐ ܠܝܲܥܩܘܿܒ̣ ܘܠܐܲܚܘܿܢܘܵܬܹ̈ܐ. ܘܦܠܸܛܠܹܗ ܘܐَܙܸܠܹܗ ܠܚܕܵܐ ܕܘܼܟܵܐ ܐَܚܹܪَܬܵܐ. 18ܘܟܲܕ ܗَܘܹܐ ܠܹܗ ܝܵܘܡܵܐ؛ ܗَܘܹܐ ܠܹܗ ܫܓ̣ܘܼܫܝܵܐ ܪܵܒܵܐ ܓܵܘ ܕܲܚܫܹ̈ܐ ܒܘܼܬܿ ܫܸܡܥܘܿܢ ܕܡܘܼܕܝܼ ܗَܘܹܐܠܵܗ̇ ܠܹܗ. 19ܘܗܹܪܘܿܕܸܣ؛ ܟܲܕ ܒܥܹܐܠܹܗ ܘܠܵܐ ܡܘܼܫَܟ̰ܸܚܠܹܗ؛ ܨܘܼܚܨܹܐܠܹܗ ܠܢܵܛܘܿܪܹ̈ܐ؛ ܘܦܘܼܩܸܕܠܹܗ ܕܦܵܝܫܝܼ ܡܘܼܡܝܸܬܹܐ. ܘܦܠܸܛܠܹܗ ܡ̣ܢ ܝܼܗܘܼܕ ܘܐَܬܹܐܠܹܗ ܠܩܹܣܲܪܝܵܐ. 20ܣܵܒܵܒ ܟܪܝܼܒܵܐ ܗَܘܵܐ ܥܲܠ ܨܘܿܪ̈ܵܝܹܐ ܘܥܲܠ ܨܲܝܕܘܿܢܵܝܹ̈ܐ؛ ܓ̰ܡܸܥܠܗَܘܿܢ ܘܬܹܐܠܗَܘܿܢ ܠܟܸܣܠܹܗ ܡܸܚܕܵܕܹܐ؛ ܘܦܘܼܪܦܸܠܗَܘܿܢ ܠܒܠܹܣܛܘܿܣ ܫܵܘܝܵܢܵܐ ܕܫܘܝܼܬܹܗ ܕܡܲܠܟܵܐ؛ ܘܛܠܸܒܠܗَܘܿܢ ܡܸܢܹܗ ܕܗܵܘܹܐܠܵܝܗܝ ܫܲܝܢܵܐ؛ ܣܵܒܵܒ ܕܬܘܼܪܣܵܝܵܐ ܕܐܲܬܪܵܝ ܡ̣ܢ ܡܲܠܟܘܼܬܹܗ ܗَܘܵܐ ܕܗܹܪܘܿܕܸܣ. 21ܐܝܼܢܵܐ ܒܝܵܘܡܵܐ ܝَܕܸܥܝܵܐ ܠܒ̣ܝܼܫܵܐ ܗَܘܵܐ ܗܹܪܘܿܕܸܣ ܠܒܸܫܬܵܐ ܕܡܲܠܟܘܼܬܵܐ؛ ܘܝَܬܸܒ̣ܠܹܗ ܥܲܠ ܟܘܼܪܣܝܼ ܕܕܝܼܘܵܢ؛ ܘܗܘܼܡܙܸܡܠܹܗ ܥܲܡ ܟܸܢܫܵܐ. 22ܐܝܼܢܵܐ ܛܵܝܸܦܵܐ ܡܲܩܘܘܿܚܹܐ ܗَܘܵܐ ܘܒܹܐܡܵܪܵܐ؛ ܐܲܢܹܐ ܒܪ̈ܵܩܵܠܹܐ ܕܐܲܠܵܗܵܐ ܝܢܵܐ؛ ܘܠܹܐ ܝܢܵܐ ܕܒܢܲܝ̈ܢܵܫܵܐ. 23ܘܣܵܒܵܒ ܕܠܵܐ ܝܘܼܗَܒܼܸܠܹܗ ܬܸܫܒܘܿܚܬܵܐ ܠܐܲܠܵܗܵܐ؛ ܗܲܪ ܒܗ̇ܝ ܥܕܵܢܵܐ ܡܚܹܐܠܹܗ ܡܲܠܲܐܟ̣ܹܗ ܕܡܵܪܝܵܐ؛ ܘܩܲܡ ܐܵܟ̣ܠܝܼ ܠܹܗ ܬܸܘܸܠܥܹ̈ܐ؛ ܘܡܝܼܬܠܹܗ. 24ܘܗܹܡܸܙܡܵܢ ܕܐܲܠܵܗܵܐ ܦܝܵܫܵܐ ܗَܘܵܐ ܡܘܼܟܪܲܙܬܵܐ ܘܙܝܵܕܵܐ. 25ܐܝܼܢܵܐ ܒܲܪܢܒ̣ܵܐ ܘܫܵܐܘܿܠ ܕܸܪܗَܘܿܢ ܡ̣ܢ ܐܘܿܪܸܫܠܸܡ؛ ܡ̣ܢ ܒܵܬَܪ ܕܬܘܼܡܸܡܠܗَܘܿܢ ܚܸܠܡܲܬܵܝܗܝ؛ ܘܠܘܼܒܸܠܗَܘܿܢ ܥܲܡܵܝܗܝ ܠܝܘܿܚܲܢܵܢ؛ ܗ̇ܘ ܕܦܸܫܠܹܗ ܩܸܪܝܵܐ ܡܲܪܩܘܿܣ.